१८ जिल्लाका सीडीओसहित सहसचिव र उपसचिवकोे सरुवा

काठमाडौं । गृह मन्त्रालयलले १८ जना प्रमुख जिल्ला अधिकारी सहित सहसचिव तथा उपसचिवको सरुवा गरेको छ।

ललितपुर, धनकुटा, महोत्तरी, गुल्मी, रामेछाप, भोजपुर, खोटाङ, डोल्पा, मुगु, पाँचथर र तेह्रथुम जिल्लाका प्रमुख जिल्ला अधिकारी फेरिएका छन् भने केहि सहसचिव तथा उपसचिवहरुको पदस्थापन गरिएको गृह मन्त्रालयले जनाएको छ ।

मन्त्रिस्तरीय निर्णय गर्दै गृहमन्त्रालयले केही जिल्लाका प्रमुख जिल्ला अधिकारीसहित सहसचिव र उपसचिवको सरुवा तथा पदस्थापन गरेको हो ।

गुल्मीका भरत कुमार शर्मालाई गृहमन्त्रालय तानिएको छ भने रामेछापबाट रुद्रा देबी शर्मालाई गुल्मी सरुवा गरिएको छ । ललितपुरमा ढुण्डिप्रसाद निरौलालाई प्रमुख जिल्ला अधिकारी बनाएर सरुवा गरिएको छ । यसअघि उनी गृह मन्त्रालयमा कार्यरत थिए।