काठमाडौं । प्रचण्ड–नेपाल नेतृत्वको नेकपाले निर्वाचन आयोगमा २९० जना केन्द्रीय सदस्यको हस्ताक्षर बुझाएको छ । बुधबार केन्द्रीय सदस्य सुरेन्द्र पाण्डे, लिलामणी पोखरेल, मुक्ति प्रधान सहितको टोलीले आयोगमा गई २९० जना केन्द्रीय सदस्यको हस्ताक्षर बुझाएको हो ।
यसअघि मंगलबारको केन्द्रीय कमिटी बैठकले गरेका निर्णयहरू पनि निर्वाचन आयोगमा बुझाएको छ । आयोगमा बुझाएको पत्रमा नेकपाको ४४७ सदस्यीय केन्द्रीय कमिटीका २९० जनाको नाम उल्लेख गरिएको नेता पाण्डेले बताए ।
बुधबार बसेको प्रचण्ड माधव समूहको केन्द्रीय कमिटीको बैठकले अध्यक्ष ओलीलाई अनुशासनको कारबाही गरी अध्यक्षबाट निस्कासन गर्ने र माधवकुमार नेपाललाई अध्यक्ष चयन गर्ने निर्णय गरेको थियो ।
प्रतिक्रिया