काठमाडौं । त्रिभुवन विमानस्थलबाट प्रहरीले एकजनालाई स्वचालित पेस्तोल सहित पक्राउ गरेको छ । काठमाडौंबाट झापाको भद्रपुर जानलागेका एक जनालाई आधुनिक पेस्तोल र त्यसमा लाग्ने गोली सहित त्रिभुवन विमानस्थलबाट प्रहरीले पक्राउ गरेको हो ।
त्रिभुवन विमानस्थल सुरक्षामा खटिएका प्रहरीले ५० राउन्ड गोली र पेस्तोलसहित वृजहाङ राईलाई विमानस्थलबाटै पक्राउ गरेको जनाएको छ ।
२० वर्षीय राई मध्याह्न १२ः३५ को उडानमा भद्रपुर जानलागेकै अवस्थामा प्रहरीले पक्राउ गरेको हो । प्रहरीका अनुसार विमानस्थलमा चेकजाँचका क्रममा स्क्रिनमा शंकास्पद वस्तु रहेको देखिएपछि थप अनुन्धान र खानतलासी गर्दा ५० राउन्ड गोलीसहित पेस्तोल बरामद भएको थियो।
पक्राउ परेका राईलाई महानगरीय प्रहरी वृत्त गौशालामा पठाएको छ । राईमाथि थप अनुसन्धान हुने प्रहरीले जनाएको छ ।
प्रतिक्रिया