सैनिक मुख्यालयभित्र पृथ्वीनारायण शाह अध्ययन केन्द्र स्थापना

खबर कुरा
२७ पुष २०७७, सोमबार

काठमाडौं । नेपाली सेनाले पृथ्वी जयन्ती तथा राष्ट्रिय एकता दिवस-२०७७ को अवसर पारेर पृथ्वी नारायण शाह अध्ययन केन्द्रको उद्घाटन गरेको छ ।

नेपाली सेनाको मुख्यालय जङ्गीअड्डामा सोमबार आयोजित विषेश समारोहमा प्रधानसेनापति महारथी पूर्णचन्द्र थापाले सो अध्ययन केन्द्रको उद्घाटन गरेका हुन् ।

केन्द्रमा पृथ्वीनारायण शाहबारे जानकारी दिने महत्वपूर्ण सामाग्रीहरु, पृथ्वीनारायणको पालाको इतिहास झल्काउने कैयौं चित्रकला लगायतका महत्‍त्वपूर्ण सामाग्री राखिएको सेनाले जनाएको छ ।

अध्ययन केन्द्रको उद्घाटन गर्नुअघि प्रधानसेनापति थापाले पृथ्वीनारायण शाहको शालिकमा सलामी तथा सम्मान अर्पण गरेका थिए ।

सेनाले राष्ट्रिय एकता दिवसकै अवसर पारेर आयोजना गरेको राष्ट्रव्यापी ुराष्ट्रिय कविता प्रतियोगिता २०७७ु का उत्कृष्ट ३० कविहरुलाई कविहरुलाई प्रमाण पत्र तथा पुरस्कार वितरण पनि गरिएको छ ।

 

यसमा तपाइको मत

Your email address will not be published. Required fields are marked *


*