बुटवल । लुम्बिनी प्रादेशिक अस्पताल बुटवलमा रोट्याक्ट क्लब अफ तिनाउ सिटि र रोटरी क्लब अफ बुटवल साउथले मोबाईल चार्जिङ्ग स्टेशन जडान गरेको छ ।
अस्पतालमा आउने बिरामीका कुरुवालाई मोबाईल चार्ज गर्न सजिलो होस भन्दै क्लबले आज अस्पतालमा चार्ज स्टेशन जडान गरेको हो ।
लुम्बिनी प्रादेशिक अस्पतालमा ६ वटा चार्जिङ्ग स्टेशन जडान गरिएको रोट्याक्ट क्लब अफ तिनाउ सिटिका अध्यक्ष अनुप पाण्डेयले जानकारी दिए । अस्पतालमा आपत्तकालिन अवस्थामा आउने कुरुवाहरुलाइ लक्षित गरेर स्टेशन जडान गरिएको उनले बताए ।
बुटवलमा रहेका अस्पतालहरुमा ३० वटा जडान गर्ने लक्ष्य रहेको पाण्डेयको भनाई छ । अस्पतालका अध्यक्ष सुर्य प्रसाद भट्टराई र मेशु राजेन्द्र प्रसाद खनालको उपस्थितीमा चार्ज स्टेशन प्रदान गरिएको कार्यक्रमका संयोजक अशोक ज्ञवालीले जानकारी दिए ।
प्रतिक्रिया