काठमाडौं । गत २५ पुसमा काठमाडौंको टोखामा एक दम्पत्ती मृत भेटिएको दुई साता नवित्दै ललितपुरको महालक्ष्मी नगरपालिका–७, चाँगाथलीमा अर्का एक दम्पत्ती मृत अवस्थामा फेला परेका छन् ।
ललितपुरको महालक्ष्मी नगरपालिका–७, चाँगाथलीमा डेरा गरी बस्ने राजविराज घर भएका ३२ वर्षीय सागर पोखरेल र उनकी २२ वर्षीया श्रीमती निर्मला पोखरेल सोमबार मृत भेटिएका हुन्।
महानगरीय प्रहरी परिसर ललितपुरकी प्रमुख [एसएसपी] किरण बज्राचार्यले दम्पती मृत भेटिएको र अहिले घटनाका सम्बन्धमा अनुसन्धान भइरहेको बताइन्।
उनले कोठाभित्र स्लफर नामको विषादीको बट्टासमेत फेला परेका कारण आत्महत्या गरेका हुनसक्ने भन्दै अनुसन्धान सोही दिशामा केन्द्रित गरेको बताइन्।
गतवर्ष फागुनमा विवाह गरेका सागर र निर्मलाको शव बन्द कोठाभित्र भेटिएको हो। पोखरेल भेटेनरी सामानका सप्लायरको काम गर्दै आएको प्रहरीले जनाएको छ।
यस अघि पुस महिनामा पनि काठमाडौंको टोखामा उमेश केसी र उनकी श्रीमती सुदिक्षा गिरी मृत भेटिएका थिए । हालसम्मको अनुसन्धानले सुदिक्षाले उमेशको हत्यापछि आत्महत्या गरेको देखाएको छ । उपत्यकामा फेरि एक दम्पती घरभित्रै मृत भेटिएका छन्।
प्रतिक्रिया