काठमाडौं । ललिपुरको बालकुमारीमा एक जना पूरुष मृत अवस्थामा फेला परेका छन् ।
बिहीबार बिहान साढे ८ बजेको समयमा ती पुरुष पुलको मुखमा रिलिङमा डोरी लगाएर झुण्डिएको अवस्थामा फेला परेको प्रहरीले जनाएको छ । प्रहरीका अनुसार स्थानीयले उद्दार गर्दा उनको मृत्यु भईसकेको थियो ।
प्रहरीका अनुसार ती व्यक्ति सडक किनारको रेलिङमा झुण्डिएको अवस्थामा फेला महानगरीय प्रहरी वृत्त नयाँ बानेश्वरका डीएसपी दक्ष कुमार बस्नेतले जानकारी दिए ।
स्थानीय बासिन्दाका अनुसार, उनी फोहोर उठाउने काम गर्ने व्यक्ति हुन् । उनलाई स्थानीय बासिन्दा ‘रमाइलो’ नामले चिन्दथे । उनको खास पहिचान भइनसकेको प्रहरीले बताएको छ ।
बिहानभर पुलमा धेरैपटक ओहोर(दोहोर गरेको र उनले डोरीको पासो लगाएर रिलिङमा झुण्डिएको स्थानीय बासिन्दाले देखेर प्रहरीलाई खबर गरेका थिए । सडकमा फ्याँकीएको फोहोर उठाउँदै आएको व्यक्ति झुण्डिएको अवस्थामा भेटिएको डीएसपी बस्नेतले बताए ।
‘प्रहरी घटनास्थलमा पुगेको छ, अनुसन्धान गरिरहेका छौं’, डीएसपी बस्नेतले भने, ‘स्थानीयले रमाइलो नामले चिन्ने ती पुरुष धेरैपटक पुलमा ओहोरदोहोर गरेपछि रेलिङमा झुण्डिएको स्थानीयले हामीलाई जानकारी दिएका छन् ।’
प्रहरीका अनुसार, उनी अत्यधिक मादक पदार्थ सेवन गर्ने र सडकमा फोहोर उठाउने ब्यक्ति हुन् । स्थानीयले केहि महिना पहिले सुधार केन्द्रमा पठाएपनि सुधार केन्द्रबाट निस्केपछि उनीमा सुधार नआएको प्रहरीले जनाएको छ ।
प्रतिक्रिया