काठमाडौं । निर्वाचन आयोगले छलफलका लागि बोलाईएका नेकपा प्रचण्ड-माधव पक्षले आजको छलफल कार्यक्रममा प्रतिनिधित्व गर्न नसक्ने ब्यहोरा सहितको पत्र निर्वाचन आयोगलाई पठाएको छ ।
आयोगले नेकपाको दुबै समूहसँग गर्न लागिएको छलफल केही दिन पर सार्न निर्वाचन आयोगलाई सो पक्षले आग्रह गरेको छ ।
आयोगले निर्वाचन प्रयोजनका लागि दल दर्ताको सूचना प्रकाशन र निर्वाचनको तयारीबारे हालसम्म भएको कामबारे छलफल गर्न नेकपाको दुबै पक्षका अध्यक्ष वा अध्यक्षले ताकेको प्रतिनिधलाई उपीथत हुन आग्रह गरेको थियो ।
नेकपाले आयोगलाई पठाएको पत्रमा अध्यक्षद्धय माधवकुमार नेपाल र प्रचण्ड माघ १८ गतेसम्म उपत्यका बाहिर राजनीतिक कार्यक्रममा व्यस्त रहेको र आयोगले गर्ने छलफलमा अध्यक्ष स्वयंम उपस्थित हुन चाहेकाले शुक्रबारको छलफलमा सहभागीहुन नसक्ने उल्लेख गरिएको छ ।
पत्रमा अध्यक्षद्वय काठमाडौ बहिर रहेकाले प्रतिनिधी पनि पठाउन असहज भएको भनिएको छ ।
पार्टीका नेताहरु लीलामणि पोखरेल, राजेन्द्र पाण्डे र मुक्ति प्रधान आयोगमा पुगेर १८ गतेपछि उपयुक्त समयमा छलफल गर्न अनुरोध गरेको पत्र बुझाएर फर्किएका छन् ।
प्रतिक्रिया