काठमाडौं । भाषणको क्रममा श्री ५ को सरकार भनेकोमा खानेपानीमन्त्री मणि थापाले क्षमा याचना गरेका छन् ।
सामाजिक सञ्जाल फेसबुकमा स्टाटस लेख्दै मन्त्री थापाले शनिबार सुर्खेतमा आयोजित कार्यकर्ता भेलामा ‘श्री ५ को सरकारको तर्फबाट’ भनेकोमा क्षमा मागेका हुन् ।
थापाले भुलबस ती शब्द प्रयोग भएको भन्दै आफुले त्यसलाई तत्कालै सच्चाएको पनि जनाएका छन् । थापाले आफ्नो पुरै राजनीतिक जीवन, क्रान्ति र परिवर्तनमा बिताएको भन्दै पश्चगमनका पक्षमा आफ्नो साथ नहुने स्पष्ट पारेका छन् ।
थापाले लेखेका छन्, शनिबार नेपाल कम्युनिष्ट पार्टीले सुर्खेतमा आयोजना गरेको कार्यकर्ता भेलालाई सम्बोधन गर्ने क्रममा नेपाल सरकार भन्नुपर्नेमा भुलवस अन्यथा भएको र त्यसलाई मैले तत्कालै सच्याएको यहाँहरु जानकार नै हुनुहुन्छ ।
आम नेपाली नागरिक, मेरो शुुभचिन्तक र नेपाल कम्युनिष्ट पार्टीका नेता कार्यकर्तामा त्यसबारे कुनै दुविधा नराखिदिनुहुन अनुरोध गर्दछु ।
मेरो पुरै राजनीतिक जिवन, क्रान्ति र परिवर्तनमा विताएको र पश्चगमनका पक्षमा मेरो साथ नहुने कुरा विनम्रताका साथ अनुरोध गर्दछु । भुलबस ती शब्द प्रयोग हुन गएकोमा क्षमा चाहन्छु ।
प्रतिक्रिया