काठमाडौं । अख्तियार दुरुपयोग अनुसन्धान आयोगका कार्यबहाक प्रमुख आयुक्त गणेशराज जोशीले राजीनामा दिएका छन् ।
विवादास्पद ढंगले अख्तियारमा प्रमुख आयुक्त र दुई आयुक्तलाई नियुक्ति दिएकै दिनमा कार्यबहाक प्रमुख आयुक्त जोशीले राजीनामा दिएका हुन् ।
जोशीले आफु आयुक्त भएकै बेलामा अख्तियारमा सचिव रहेका प्रेम राई प्रमुख आयुक्त बनेर आएपछि नैतिकताका आधारमा राजीनामा दिएका हुन् । यद्यपी, उनले यसबारे केही बताएका छैनन् । जोशीले आजै राष्ट्रपतिसमक्ष आफ्नो राजीनामा बुझाइसकेका छन् ।
अख्तियार प्रमुखमा राईसँगै दुई आयुक्तमा जयबहादुर चन्द र किशोर सिलवाल नियुक्त भएका छन् । उनीहरुले आजै पद तथा गोपनीयताको सपथ लिएर पदभार ग्रहण गरिसकेका छन् ।
प्रतिक्रिया