काठमाडौं । नेपाली काँग्रेसका युवा नेता गगनकुमार थापाले सत्यको पक्षमा बोल्ने मुख सरकारको त्रासले बन्द नहुने चेतावनी दिएका छन् ।
प्रचण्ड नेपाल नेतृत्वको नेपाल कम्युनिष्ट पार्टी नेकपाकी युवा नेतृ रामकुमारी झाँक्रीलाई सरकारले राज्य विरुद्धको कसुरमा पक्राउ गरेपछि सामाजिक सञ्जालमार्फत नेता थापाले सरकारले सत्य बोल्ने मुख थुन्न नसक्ने बताएका हुन् ।
रामकुमारी झाँक्रीको पक्राउ गरेकोमा आक्रोश पोख्दै थापाले सरकरालाई झ्यालखाना थप्न समेत चेतावनी दिएका छन् ।
‘कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति । सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन’, थापाले भनेका छन् ।
कर्तव्य निर्वाह गर्न छोडेर, असंवैधानिक र अलोकतान्त्रिक कार्य गर्ने अनि त्यसमा प्रश्न गर्नेलाई झ्यालखानामा राखेर तर्साउन खोज्ने ? उहिले महाराजा अहिले राष्ट्रपति!
सरकार झ्यालखानाको संख्या थप,किनकि सत्य को पक्षमा बोल्ने मुख तिमिले देखाएको त्रासले बन्द हुँदैन।— Gagan Thapa (@thapagk) February 11, 2021
थापा र झाँक्री २०६२/६३ को जनआन्दोलनको अगुवाई गर्ने दुई चर्चित युवा हुन् । झाँक्रीलाई राष्ट्रपति विरुद्ध अभिव्यक्ति दिएको अभियोगमा सरकारले राज्य विरुद्धको कसुरमा बिहीबार उनकै निवासबाट पक्राउ गरेको छ । झाँक्रीको पक्राउको विरोधमा नेकपाका नेता कार्यकर्ता विरोधमा उत्रिएका छन् भने विपक्षी दलका नेता एवं नागरिक आन्दोलनका अगुवाहरुले नागरिक स्वतन्त्रता हनन भएको भन्दै विरोध गरेका छन् ।
प्रतिक्रिया