५ हजार मिटर उचाईको कठिन हिमाली पठारमा सीमा रक्षार्थ बसेका चिनियाँ सेना (फोटो कथा)

खबर कुरा
९ फाल्गुन २०७७, आईतवार

गतवर्ष पूर्वी लद्दाख–अक्साई चीनस्थित गलवान क्षेत्रको वास्तविक नियन्त्रण रेखा (Line of Actual Control एलएसी)मा भारतीय सेनासँग भएको भीडन्तमा मारिएका आफ्ना सेनाबारे चीनले सार्वजनिक रुपमा जानकारी गराएको छ ।

गतवर्षको जुन १५ गते राति भएको हिंसात्मक भिडन्तमा भारतका २० सेना मारिएका थिए । भारतले आफ्नोतर्फको जानकारी तत्कालै गराएको थियो । चीनले भने घटना भएको ८ महिना पछि आफ्ना चार सेना मारिएको र बटालियन कमाण्डर गम्भीर घाइते भएको जनाउँदै उनीहरुलाई सेन्ट्रल मिलिटरी कमिसनले उच्च राष्ट्रिय सम्मान गरेको जनाएको छ ।

सन् १९६२ पछि भारत र चीनका सेनाबीच झण्डै ३५ सय किलोमिटर लामो सीमा क्षेत्रका कतिपय स्थानमा धकेलाधकेल भएपनि ज्यानै जानेगरी भएको त्यो घटना ४५ वर्षपछि पहिलो पटक भएको थियो । त्यसपछि दुवै मुलुकले सीमा क्षेत्रमा हजारौं सैनिक र सैन्यवन्दोवस्तीका सामानहरु थुपार्ने काम गरे । एकअर्का सेना पूर्ण युद्धको तयारीको अवस्थामा बसे ।

४ हजार मिटर भन्दा उचाईका उच्च हिमाली क्षेत्रमा भारत र चीनका सेना कसरी बसे होलान ? गर्मी सिजनमा सुरु भएको तनाब साम्य नहुँदा माइनस ५०/६० डिग्री सेन्टिग्रेडसम्म पुग्ने चिसोमा टेन्टको सहारामा ती सेना कसरी बसेहोलान् ? यो कौतुहलताको विषय बन्नसक्छ ।

लद्दाख क्षेत्रतिर ओहोरदोहोर गरिरहेका भारतीय सेना र सैनिक गाडीको तस्बिर र भिडियोहरु भारतीय संचारमाध्यममा देखिइरहन्छन् । तर, चीनले हालै मात्र कठीन भौगोलिक क्षेत्रमा आफ्ना सेनाको हिउँदे सिजनको बसाई बारेका तस्बिरहरु सार्वजनिक गरेको छ ।

चिनियाँ समाचार एजेन्सी सिन्ह्वाले प्रकाशित गरेका ती तस्बिरहरु हेर्दा त्यहाँको कठिन अवस्था बुझ्न सकिन्छ । जबकी चिनियाँ जनमुक्ति सेनाको लजिष्टिक क्षमता भारतीय सेनाको भन्दा बढी छ ।

ग्लोबल टाइम्सले सिन्ह्वाका यी फोटो प्रकाशित गर्दै भनेको छ चाहे हावा होस या हिउँ, यी चिनियाँ सैनिक ४ हजारदेखि ५ हजार उचाईको पठारमा कठोर परिवेशसँग जुझ्दै आफ्नो मातृभूमि र सिमानाको रक्षा गरिरहेका छन् । यी मध्ये कतिपय सैनिक त केवल १७, १८ वर्षको उमेरका मात्रै रहेका छन् ।

सबै तस्बिर ग्लोबल टाइम्सबाट

 

यसमा तपाइको मत

Your email address will not be published. Required fields are marked *


*