१५ चैत्र २०८०, बिहिबार | March 29, 2024

कोरोना विरुद्धको खोपप्रति ज्येष्ठ नागरिक उत्साहित



काठमाडौं । पालमा कोरोना भाइरस सङ्क्रमण शुरू भएको एक वर्षपछि कोरोनाविरुद्धको खोप लगाउने अभियान अगाडि बढेको छ । यसले समाजका सबै तप्कालाई आशावादी बनाएको छ भने ज्येष्ठ नागरिकलाई झनै उत्साहित बनाएको छ ।

खोपबारे विभिन्न कुरा आइरहेपछि ढुक्कले खोप लगाउन ज्येष्ठ नागरिकको सुझाव छ । प्राथमिकताका आधारमा खोप लगाउने क्रममा अब ज्येष्ठ नागरिकले खोप लगाउने पालो आएको छ तर कतिपय ज्येष्ठ नागरिकले प्राथमिकताका आधारमा खोप लगाइसकेका छन्। खोप लगाउन बाँकी ज्येष्ठ नागरिक खोपप्रति उत्साहित छन ।

कतिपय ज्येष्ठ नागरिकले पत्रकारको हैसियतले समेत कोरोनाविरुद्धको खोप लगाइसकेका छन । त्यसैक्रममा छन्, वरिष्ठ पत्रकार भैरव रिसाल । उमेरले ९३ वर्ष पुगिसकेका रिसालले केही चिकित्सकको सल्लाहमा खोप लगाएको जानकारी दिए । सुरुमा खोपबारे भ्रामक विषयलाई प्रचार गरिए पनि आफूलाई खोपमा पूर्ण विश्वास रहेको उनले बताए । आफूले चिनेका चिकित्सकद्वय डा. सरोज धिताल र डा. अर्जुन कार्कीसँंग परामर्श गरेको उनले जानकारी दिए ।

वरिष्ठ पत्रकार रिसालले भने, “चिकित्सकले लगाउन सुझाव दिएका कारण लगाएँ ।” आफूलाई मधुमेह, उच्च रक्तचाप कुनै पनि रोग नभएको भन्दै उनले प्रोस्टेट र पार्किसन्सको समस्या भने रहेको बताए । कोरोनाविरुद्धको खोपले सबैलाई हर्षित तुल्याएको र त्यसमा पनि ज्येष्ठ नागरिकको जीवनलाई सुरक्षित बनाएको बताउँदै उनले भने, “खोपले ज्येष्ठ नागरिकलाई उत्साहित बनाएको छ ।”

“खोप लगाउनासाथ घर आएर सिटामोल खाएँ,” रिसालले थपे, “खोप लगाएपछि हुनसक्ने असर ज्वरो आउने, बान्ता हुने, जिउ दुख्नेलगायतका कुनै समस्या भएन ।” खोप लगाइसकेपछि खोप शाखा प्रमुख झलक गौतमले फोन गरेर आफ्नो स्वास्थ्य अवस्थाबारे बुझेको जानकारी पनि उनले दिए ।

यस्तै ७६ वर्षीय वरिष्ठ पत्रकार पुरु रिसालले पनि खोप लगाएका छन । उनले वैज्ञानिक क्षेत्रले असाध्य मेहनत गरेर आविस्कार गरेको खोपप्रति आफूले पूर्ण विश्वस्त भएर खोप लगाएको जानकारी दिए । “मलाई मधुमेह छ, औषधि नियमित खाइरहेको छु,” पत्रकार रिसालले थपे, “खोप लगाएको ठाउँमा अलिअलि दुखे पनि अरू केही भएन ।”

खोप लगाएपछि हुनसक्ने कुनै पनि लक्षण नदेखिएको भन्दै उनले दुईचक्की सिटामोल सुरुमै खाएकाले ज्वरोसमेत नआएको बताए । “पहिला पहिला हैजाविरुद्धको खोप लगाइन्थ्यो,” उनले अनुभव सुनाए, “त्यस्तै केही पनि भएन, अब दोस्रो चरणको खोपको प्रतीक्षामा छु ।”

भक्तपुरकी लक्ष्मी पौडेल उमेरले ७० वर्ष कटिसकेकी छन् । उनले कोरोनाविरुद्धको खोप लगाइसकिन । पौडेललाई भने ज्वरो आएको थियो । उनले विश्वासका साथ कोरोना खोप लगाएको जानकारी दिइन् ।

सरकारले फागुन २३ गतेदेखि वृद्धवृद्धालाई कोरोनाविरुद्धको खोप लगाउँदै छ । उमेर ५५ वर्षमाथिका व्यक्तिलाई खोप लगाउने अभियानमा शिक्षकलाई पनि कोरोनाविरुद्धको खोप लगाउन लागिएको हो । उक्त समाचार आजको गोरखापत्र दैनिकमा छापिएको छ ।

प्रकाशित मिति : १६ फाल्गुन २०७७, आइतबार  ६ : ४२ बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका