१ महिनाका बीच ३ पटक बढ्यो पेट्रोलियम पदार्थको मूल्य

काठमाडौं । नेपाल आयल निगमले १ महिनाका बीचमा ३ पटक पेट्रोलियम पदार्थको मूल्य बढाएको छ । सोमबार राति १२ बजेबाट लागू हुने गरी डिजेल, पेट्रोल र मट्टीतेल र हवाई इन्धनको मूल्य बढाएको हो । गत फागुनको पहिलो सातमा २ पटक मुल्य बढाएको निगमले आज पुनः मुल्य बढाएको हो ।

डिजेल, पेट्रोल र मटितेलमा प्रतिलिटर २ रुपैयाँ, हवाई इन्धन आन्तरिकतर्फ प्रतिलिटरमा ५ रुपैयाँले मूल्य बढाईको निगमले जनाएको छ । यस्तै हवाई इन्धन बाहृयतर्फको मूल्य पनि एक किलोलिटरमा २५ अमेरिकी डलरले वृद्धि गरिएको निगमले जनाएको छ ।

नयाँ मूल्य बृद्धिपछि पेट्रोलको भाउ प्रतिलिटर ११६ रुपैयाँ र डिजेल तथा मटितेलको भाउ ९९ रुपैयाँ कायम भएको छ । यस्तै हवाई इन्धन आन्तरिकतर्फको प्रतिलिटर मूल्य ७२ रुपैयाँ पुर्याइएको छ । खाना पकाउने ग्यासको मूल्य भने यस पटक यथावत राखिएको छ ।

प्रत्येक ईस्वि सम्बतको महिनाको १ र १६ गते समायोजित मुल्य बठाउने गरेको भारतीय आयल निगम (आइओसी) ले आज पुनः पेट्रोलियम पदार्थको मूल्य फेरि बढाएर पठाएको कारण मुल्य बढाृनु परेको निगमले जनाएको छ ।

निगमका अनुसार आइओसीले पठाएको नयाँ मूल्यसूचीमा प्रतिलिटर पेट्रोलमा रु ४।२०, डिजेलमा रु ४।०७ रुपैयाँ, मट्टितेलमा रु ४।६५, हवाई इन्धनमा रु ४।०६ तथा ग्यासमा प्रतिसिलिन्डर रु ९१।९६ मूल्य बढेर आएको छ ।