झापा । प्रधानमन्त्री केपी ओलीले आफूलाई पदबाट हटाएर देखाउन दाेहाे¥याएर चुनौती दिएका छन्।
सोमबार पोखरामा आयोजित कार्यकर्ता भेलामा चनौती दिएका प्रधानमन्त्री ओलीले मंगलबार गृहजिल्ला झापाको बिर्तामोडमा पूर्वाञ्चल क्यान्सर अस्पताल उद्घाटन कार्यक्रममा आफूहलाई हटाउन सजिलो नभएको कुरा दोहो¥याएका हुन् ।
प्रधानमन्त्री ओलीले आफू अदालतमा मुद्दा हाल्न नगएको बताउँदै अदालतको आदेश पालना गर्न तयार रहेको बताए । उनले आफूले अदालतको फैसलाको सम्मान र कार्यान्वयन गर्ने पनि बताए।
उनले आफूले फागुन २३ गते संसद अधिवेशन बोलाएको भन्दै सर्वोच्च अदालतको फैसलाको अब परीक्षण हुने बताए ।
‘फागुन २३ गते अधिवेशन बोलाइएको छ । राम्ररी चलाएर अघि बढाउने प्रयास मेरो हुन्छ । नकारात्मक भूमिका कहिले पनि हुँदैन’ उनले भने ।
‘मलाई हटाउन सक्छौ भने हटाउ भनेकै छु, खुशी साथ हट्छु। तर, मलाई हटाउन सजिलो छैन’, उनले भने, ‘अहिल्यै भन्दिन चाहन्छु, डेढ दुई वर्षपछि चुनाव हुन्छ। त्यसमा दुई तिहाइका साथ जितेर सिंहदरबार फर्किन्छु।’
वर्तमान सरकार नै जनताका लागि कम्फर्टेवल भएको बताउंदै उनले अर कसैको कम्फर्टेवलका बिषयमा आफुले केहि नसोंचेको बताए ।
प्रतिक्रिया