काठमाडौं । प्रतिनिधिसभा विघटनको पक्षमा प्रधानमन्त्री केपी शर्मा ओलीलाई साथ दिएका नेकपाका एक सांसद प्रचण्ड नेपाल पक्षमा फर्किएका छन् ।
प्रतिनिधिसभामा मुगुबाट निर्वाचित सांसद गोपाल बमले बुधबार प्रेस विज्ञप्ति प्रकाशित गर्दै पुष्पकमल दाहाल प्रचण्ड र माधव कुमार नेपालले नेतृत्व गरेको मूलधारमा फर्र्किएको जनाएका हुन् ।
बमले भर्खरै मात्र गृह जिल्ला मुगुका मतदाताहरुसँगसँगै प्रतिगमन विरुद्धको आन्दोलनको नेतृत्व गरेर काठमाडौं फर्किएको उल्लेख गरेका छन् ।
सांसद बमले विज्ञप्तिमा भनेका छन्, ‘नेकपाको विधान विपरित अल्पमत पक्षका तथाकथित नेताहरु, केही हावादारी सञ्चार माध्यम र सामाजिक सञ्जालहरुले मेरो नाम समेत जोडेर प्रतिगामी वर्तमान सरकारको पक्षमा लागेको भनि गरिएको अनर्गल प्रचारप्रति आपत्ति प्रकट गर्दै त्यसको खण्डन एवं भत्र्सना गर्दछु ।’
प्रतिक्रिया