संख्या २७ पुग्यो, स्थिति नियन्त्रणमा आएको प्रहरीको दावी

एजेन्सी । नागरिकता संशोधन कानूनको विरोध र समर्थनमा भारतको राजधानी दिल्लीमा भड्किएको हिंसामा मृत्यु हुनेको संख्या २७ पुगेको छ ।

राजधानी शहर दिल्लीको उत्तरपूर्वी क्षेत्रमा भड्किएको हिंसामा अहिलेसम्म मृत्यु हुनेको संख्या २७ पुगेको हो । सुरक्षाकर्मीहरुको ब्यापक परिचालनका कारण बुधबार कुनै अप्रिय घटना नभएको भारतीय सञ्चार माध्यमले जनाएका छन ।

दिल्ली प्रहरीका पीआरओ एमएस रंधावाले बुधवार पत्रकार सम्मेलन गर्दै हिंसा मच्चाएको आरोपमा अहिलेसम्म १ सय ६ जनालाई गिरफ्तार गरिएको छ भने १८ वटा उजुरी दर्ता गरिएको छ । एमएस रंधावाले सीसीटीवीको भिडियोका आधारमा कारवाही चलाएको बताउनुभयो । उहाका अनुसार प्रभावित क्षेत्रमा ठूलो संख्यामा ड्रोन क्यामेराबाट निगरानी गरिएको छ ।

जसको घरको छतमा ढुंगाको थुप्रो देखिन्छ, उसका विरुद्ध कारवाही गरिन्छ–एमएस रंधावाले बताउनुभयो । उहाले स्थिति नियन्त्रणमा आएको दावी पनि गर्नुभएको छ ।