काठमाडौं । महानगरीय ट्राफिक प्रहरीले शिवरात्री पर्वको अवसरमा हुने भीडभाडलाई मध्यनगर गर्दै भोलि पशुपति क्षेत्र आसपासमा सवारी रुट परिवर्तन गरेको छ ।
महाशिवरात्री पर्वको दिन अत्याधिक भीडभाड हुनसक्ने क्षेत्रमा सवारी साधन चल्न नदिनेगरी ट्राफिक प्रहरीले रुट व्यवस्थापन गरेको हो ।
महाशाखाले बिहीबार पशुपतिनाथ मन्दिर वरपरका क्षेत्रमा सवारी चल्न निधेष गरेको छ। त्यसक्षेत्रबाट चल्ने सवारीलाई वैकल्पिक मार्ग प्रयोग गर्न पनि महाशाखाले आग्रह गरेको छ ।
ट्राफिक महाशाखाले रिङरोडमा गुड्ने सवारीमा रोक लगाएको छैन यद्यपी दर्शनार्थीको चाप बढेर अत्याधिक भीड भएमा भने गौशाला क्षेत्रमा सवारी प्रवेशमा रोक लगाइने जनाएको छ ।
प्रतिक्रिया