बर्दिया । बर्दियामा बाघको आक्रमणमा परि मधुवननगरपालिका –३ कि २९ बर्षिया रेनुका सुनार मृत्यु भएको छ । उनलाई जंगलमा घाँस काट्न जाँदै गर्दा बाघले आक्रमण गरेको हो ।
साथीहरुसँग जंगलमा घाँस काट्न गएकी सुनारलाई बाघ आक्रमण गरेको थियो । बाघको आक्रमणबाटको खबर पाउनसाथ उद्धारमा खटिएको प्रहरी टोलीले नेपालभारतको सिमा क्षेत्रमा उनको शव फेला पारेको छ ।
सुनारलाई नेपाल भारत सिमा क्षेत्रको ८४ र ८५ नम्बर पिलरको विचबाट बाघले आक्रमण गरेको हो । जिल्ला प्रहरी कार्यालय बर्दियाका प्रहरी नायव उपरीक्षक हेम बहादुर शाहीले महिलाको शव घाँटी र छातीको मासु खाईसकेको अवस्थामा फेला परेको बताए । उनले शवको पोष्टमार्टका लागि जिल्ला अस्पताल बर्दियामा लगिएको बताए ।
सुनार सँगै घाँस काट्न गएका पाँच जना भने भागेर ज्यान जोगाउन सफल भएका छन् । जंगलबाट फर्केपछि उनीहरुले प्रहरीलाई खबर गरेका थिए ।
पछिल्लो समय बर्दियामा पाटेबाघको आक्रमणमा ज्यान गुमाउनेको संख्या बढ्दै गएको छ । बर्दिया जिल्लामा यस अघि फागुन १७ गते गेरुवागाउँपालिकामा भैसी चराउनगएका ६५ बर्षिय एक पुरुष बाघको आक्रमणबाट ज्यान गएको थियो ।
प्रतिक्रिया