काठमाडौं । काठमाडौं उपत्यकामा शुक्रबार दिउँसोदेखि अत्याधिक वायु प्रदुषण बढेको छ ।
बिहानसम्म सफै रहेको उपत्यकाको आकाश दिउँसो तुवाँलाले ढाकेको छ । घर बाहिर निस्किँदा धेरैले आँखा पोलेको अनुभव गरेका छन् । विभिन्न जिल्लामा लागेको डढेलो र लामो खडेरीका कारण वायुमण्डल प्रदुषित बन्दै गएको छ । काठमाडौंको वरिपरीका लागेको डढेलोलाई पश्चिमी वायुले काठमाडौंमा ल्याएका कारण प्रदुषण बढेको हो ।
धुँवा र धुलो मिसिएको हावाले ढाक्दा दिउँसो ३ बजेपछि भिजिविलिटी नै कम भएको छ । जसका कारण त्रिभुवन विमानस्थलमा जहाज अवतरण र उडान समेत बन्द भएको छ ।
१२ बजेसम्म काठमाडौं एयरपोर्टमा भिजिबिलिटी ३ हजार ५ सय मिटर रहेकोमा ३ बजे १ हजार मिटरमा झरेको थियो ।
लामो समयको खडेरी र सुख्खा हावा भएका कारण धुँवा र धुलोयुक्त प्रदुषण बढेको मौसमविद्ले बताएका छन् । काठमाडौं मात्र नभएर देशभरको वायुमण्डलमा वायुको गुणस्तर सूचकांक (एक्यूआई) अत्यधिक बढेको छ वातावरण विभाग अन्तर्गतको वायु गुणस्तर मापन केन्द्रले जनाएको छ । एक्यूआईले जोखिमको तह नाघेको विभागले जनाएको छ ।
वायुको गुणस्तर सूचकांक ललितपुरको भैंसेपाटीमा केन्द्रका अनुसार ललितपुरको भैंसेपाटीमा ४७० सम्म पुगेको छ । भक्तपुरमा ३०५ र सिमरामा २४८ पुगेको छ ।
सरकारले स्वीकृत गरेको मापदण्ड अनुसार एक्यूआई ३ सय नाघे विपदको अवस्था आएको मानिन्छ । काठमाडौंको भने एक्यूआई १९८ पुगेको थियो।
प्रतिक्रिया