काठमाडौं । १४औँ संस्करणको इन्डियन प्रिमियर लिग (आइपिएल) टी-२० क्रिकेट अन्तर्गत साविकको विजेता मुम्बइ इन्डियन्सले पहिलो जित हासिल गरेको छ ।
मंगलबार राति भएको प्रतियाेगिताकाे पाँचौँ खेलमा मुम्बइले कोलकाता नाइट राइडर्सलाई १० पराजित गरेको हो ।
मुम्बइले दिएको १ सय ५३ रनको मध्यम लक्ष्य पछ्याएको कोलकाताले पुरै ओभर खेल्दै १ सय ४२ रन मात्र बनाउन सक्यो । अन्तिम ओभरमा १५ रन चाहिएको कोलकाताका आन्द्रे रसेल र प्याट कमिन्स ट्रेन्ट बोल्टको तेस्रो र चौथो बलमा आउट भएपछि जित नजिक पुगेर पनि हार ब्यहोर्न बाध्य भयो ।
कोलकाताका नितिश रानाले ५७ तथा शुभमन गिलले ३३ रन बनाए । यसअघि, मुथैया अन्नामलाई चिदम्बरम स्टेडियम चेन्नइमा टस हारेर पहिले ब्याटिङमा उत्रिएको मुम्बइले २० ओभरमा अलआउट हुँदै १ सय ५२ रन बनाएको थियो ।
मुम्बइका सूर्यकुमार यादवले सर्वाधिक ५६ रनकाे याेगदान दिए । यस्तै, रोहित शर्माले ४३, हार्दिक पाण्ड्या र क्रुणाल पाण्ड्याले समान १५-१५ रन जोड्नुबाहेक अन्य ब्याट्सम्यानले दोहोरो अंकमा रन बनाउन सकेनन् ।
मुम्बइलाई सस्तैमा समेट्ने क्रममा कोलकाताका आन्द्रे रसेलले २ ओभरमा १५ रन खर्चेर ५ विकेट लिए । यस्तै, प्याट कमिन्सले २, साकिब अल हसन, प्रसिद्ध कृष्ण र वरुण चक्रवर्तीले समान एक एक विकेट हात पारे । जितसँगै मुम्बइले आफ्नो खातामा पहिलो अंक जोडेको छ ।
प्रतिक्रिया