काठमाडौं । भारतमा कोरोना भाइरसको संक्रमण तिब्र रुपमा फैलिएको छ । पछिल्लो २४ घण्टामा भारतमा २ लाख १६ हजार ८५० जना नयाँ संक्रमित थपिएका छन ।
कुल संक्रमित संख्याका आधारमा दोस्रो स्थानमा रहेको भारतमा कोरोना संक्रमितको संख्या एक करोड ४२ लाख ८७ हजार ७४० पुगेको छ ।
विश्वमा कुल संक्रमितका आधारमा अगाडि रहेको अमेरिकामा तीन करोड २२ लाख २२ हजार ४३४ संक्रमित रहेका छन । तेस्रोमा रहेको ब्राजिलमा भने एक करोड ३७ लाख ५८ हजार ९३ संक्रमित रहेका छन ।
कोरोना संक्रमणका कारण भारतमा पछिल्लो २४ घण्टामा ११ सय ८३ जनाको मृत्यु भएको छ । योसँगै कोरोना संक्रमणबाट मृत्यु हुनेको कुल संख्या १ लाख ७४ हजार ३३५ पुगेको छ ।
संक्रमितमध्ये एक करोड २५ लाख ४३ हजार ९७८ जना निको भइसकेका छन् भने सक्रिय संक्रमितहरुको संख्या १५ लाख ९६ हजार ४२७ पुगेको वर्ल्डोमिटरले जनाएको छ ।
प्रतिक्रिया