पाकिस्तानले भारतमा बढ्दै गएको कोरोना महामारी नियन्त्रणका लागि सहयोगको प्रस्ताव गरेको छ ।
पाकिस्तानी विदेशमन्त्री शाह मोहम्मद कुरैसीले विज्ञप्ति जारी गर्दै कोरोना महामारी विरुद्ध संघर्षरत भारतलाई भेन्टिलेटर, डिजिटल एक्सरे मेशिन, बीएपीएपी, पीपीई लगायत अन्य सम्बन्धित मेडिकल उपकरण सहयाता गर्ने प्रस्ताव गरेको छ । विदेशमन्त्री कुरैशीले आफुहरुले मानवता प्रथम नीतिलाई सधैं विश्वास गर्ने जनाएका छन् ।
पाकिस्तानी प्रस्तावबारे भारतले अहिलेसम्म कुनै प्रतिक्रिया जनाएको छैन । भारतमा कोरोना महामारीको दोस्रो लहरले विकराल रुप लिएको छ । दैनिक ३ लाख ५० हजार भन्दा बढी भारतीयमा कोरोना संक्रमण फैलिएको छ भने २७ सय भन्दा बढी व्यक्तिको दैनिक मृत्यु भएको छ । राजधानी दिल्ली लगायत देशका कैयौं शहरका अस्पतालमा अक्सिजनको चरम अभाव देखिएको छ । अक्सिजन नपाएकै कारण बाँच्नसक्ने कैयौं व्यक्तिको अकालमै मृत्यु भएको छ ।
यसैबीच पाकिस्तानी प्रधानमन्त्री इमरान खानले महामारी विरुद्धको लडाईंमा भारतीय जनाताका साथ साथ एक्यवद्धता जनाएका छन् । ट्वीटमार्फत खानले भारत एवं विश्वभर महामारीबाट पीडित सबै व्यक्तिको शिघ्र स्वास्थ्यलाभको प्राथना समेत गरेका छन् । उनले विश्वव्यापी चुनौती बनेको महामारी विरुद्ध लड्न एकजुट हुनुपर्ने आवश्यकतामा पनि जोड दिएका छन् ।
PM @ImranKhanPTI expresses solidarity with the people of India as they battle a dangerous wave of COVID-19; and prays for a speedy recovery of all those suffering from pandemic in India and beyond. The PM stresses the need to stand united in combatting this global challenge. pic.twitter.com/fOl2sIoBGx
— Prime Minister's Office (@PakPMO) April 24, 2021
प्रतिक्रिया