बुटवल । रिमुवा रुपन्देही सम्पर्क समाजको वार्षिक कार्यक्रम अन्तरगत शनिबार बुटवलमा बृहद रक्तदान कार्यक्रम सम्पन्न गरेको छ ।
समाजको स्थापना दिवसको अबसर पारेर नेपाल रेडक्रस सोसाईटी, रक्तसंचार केन्द्र बुटवलको प्राविधिक सहयोगमा केन्द्रकै सभाहलमा गरिएको कार्यक्रममा ५१ पोइन्ट रगत संकलन भएको संयोजक बिष्णु गौतमले बताउनुभयो ।
कार्यक्रममा समाजका अध्यक्ष मतिराज पौडेल, समाजका कोषाध्यक्ष दुर्गा पौडेल, सदस्य कमल पौडेल, नेपाल स्वयंसेवी रक्तदाता समाजका रुपन्देही जिल्ला सदस्य हरी प्रसाद ज्ञवाली तथा समाजका उपाध्यक्ष हेम बहादुर पछाइ, सहसचिब दुर्लव अस्लामी, सदस्य केशब पौडेलले स्वयंसेवी रक्तदाताहरुलाई प्रमाण पत्र बितरण गर्नुभएको थियो ।
प्रतिक्रिया