बुटवल । लुम्बिनी प्रदेशमा अविश्वासको प्रस्तावमाथि छलफल गर्ने गरि विपक्षी गठबन्धनको तर्फबाट प्रदेशसभाको अधिवेशन बोलाउन परेको निवेदनलाई प्रदेश प्रमुख धर्मनाथ यादवले अस्वीकृत गरिदिएका छन् । आज प्रदेश प्रमुख यादवले प्रदेशसभाका सभामुखलाई पत्राचार गर्दै संविधान अनुसार अधिवेशन आव्हान गर्न नमिल्ने जानकारी दिएका छन् ।
नेपाली काँग्रेस, नेकपा माओवादी केन्द्र र जसपाका २ सांसद समेतले प्रदेशसभामा अविश्वासको प्रस्ताव र प्रदेश प्रमुखको कार्यालयमा विशेष अधिवेशन आह्वानका लागि समावेदन गरेका थिए ।
२६ वैशाखमा दिएको निवेदनका सम्बन्धमा धारा ११ को उपधारा ४ को प्रतिबन्धात्मक वाक्यांश बमोजिम हाल अधिवेशन आव्हान गर्न मिल्ने अवस्था नदेखिएको प्रदेश प्रमुख कार्यालयले प्रकाशित सुचनामा उल्लेख छ ।
प्रतिक्रिया