शेयर बजारले बनायो नयाँ रेकर्ड, एकैदिन १३ अर्बभन्दा माथिको कारोबार

काठमाडौं । शेयर बजारले नयाँ रेकर्ड बनाएको छ । सोमबार नेप्से परिसूचकसँगै शेयर कारोबार रकमले ऐतिहासिक रेकर्ड बनाएको हो । रेकर्ड तोडदै अघि बढेको बजारमा १३ अर्ब भन्दा माथिको कारोबार भएको छ ।जुन हालसम्मकै नयाँ रेकर्ड हो ।

आज शेयर बजार नेप्से ३ दशमलव ०७ अंकले बढेर २,८२५ दशमलव ०३ अंकको विन्दुमा पुगेर सूचकमा पनि रेकर्ड तोडेको छ ।
दिनभरिमा २ सय १६ कम्पनीको २ करोड ७१ लाख ४० हजार २ सय २ कित्ता शेयर किनबेच हुँदा १३ अर्ब १७ करोड ५३ लाख ५३ हजार रुपैयाँको शेयर कारोबार हुँदा सबैभन्दा धेरै हाइड्रोइलेक्ट्रिसिटिको सर्वाधिक कारोबार भएको छ । कम्पनीको १ अर्ब २६ करोड रुपैयाँको शेयर कारोबार भएको छ भने कम्पनीको शेयर मुल्य ३९ रुपैयाँले बढेको छ ।