काठमाडौ । कोभिड–१९ बाट बच्न कलाकार सतर्क हुन थालेका छन् ।
नेपालीदेखि हलिउड, बलिउड कलाकार सेल्फ आइसोलेसनमा बसिरहेका छन् । कोरोनाको प्रभाव नेपाली सिनेमाको छायाङ्कनदेखि प्रदर्शनसम्म परेको छ ।
त्यसैले अहिले कलाकार फुर्सदमा छन् । अधिकांश कलाकार परिवारका साथ फुर्सदको समय बिताइरहेका छन् ।
दीपक वज्राचार्य अस्ट्रेलिया टुर स्थगित गरी स्वदेश फर्किएर सेल्फ क्वारेन्टाइनमा बसिरहेका छन् ।
टुरमा गएको उनको समूह सेल्फ क्वारेन्टाइनमा बसेको गायक वज्राचार्यले जानकारी दिए ।
उनले आफूसहितको समूह अस्ट्रेलियामा दुई महिनाका लागि कन्सर्ट गर्न गएको थियो तर कोरोनाले विश्वभर आतङ्क फैलाएको थाहा पाएपछि दुई हप्तामै स्वदेश फर्किएको बताए ।
आजको गोरखापत्र दैनिकले यो समाचार प्रकाशित गरेको छ ।
प्रतिक्रिया