प्रदेश १ को बजेट अधिवेशन आजबाट

विराटनगर । प्रदेश १ को बजेट अधिवेशन आज सोमबाटबाट सुरु हुँदैछ ।

बजेट अधिवेशनको पहिलो बैठक दिउँसो २ बजेबाट बोलाइएको छ । आजको बैठकमा राजनीतिक दलका नेताहरुले मन्तव्य राख्ने कार्यसूची रहेको छ । त्यसपछि बैठकमा आर्थिक कार्यविधि ऐन दोस्रो संशोधन अध्यादेश पेश हुने कार्यसूची रहेको प्रदेशसभा सचिवालयले जनाएको छ । पूर्वबजेट छलफल सीमित बनाउन सरकारले अध्यादेश ल्याएको भन्दै विपक्षीहरुले आलोचना गरेका छन् ।

कोरोनाको बहानामा अध्यादेशबाटै बजेट ल्याउने तयारी गरेको प्रदेश सरकारले विपक्षीहरुको तीब्र दबाब परेपछि मात्र संसदको नियमित अधिवेशन बोलाउन बाध्य भएको थियो । असार १ गते प्रदेशको बजेट ल्याउनै पर्ने संवैधानिक प्रावधान छ । त्यसको १५ दिनअघि नै प्रिबजेट छलफल हुनुपर्नेमा अधिवेशनै आजबाट सुरुभएपछि छलफलको समय साँघुरिएको छ ।

यसअघि गत बैशाख ५ गते हिँउदे अधिवेशन विपक्षीहरुको अवरोधका बीच सकिएको थियो