नेपालमा ३७५० संक्रमित थपिँदा ५२२५ कोरोना मुक्त, ६७ जनाको मृत्यु

काठमाडौं । नेपालमा पछिल्लो २४ घण्टामा थप ३७५० जनामा संक्रमण पुष्टि भएको छ । पीसीआर विधिबाट ९५९८ नमुना परीक्षण गर्दा २७०९ जनामा र एन्टिजेन विधिबाट ५ हजार ५८४ जनाको परीक्षण गर्दा १०४१ जनामा कोरोना संक्रमण पुष्टि भएको हो ।

सोही अवधिमा देशभरबाट ५२२५ जना संक्रमणमुक्त भएका छन् । हालसम्म नेपालमा ५ लाख २० हजार ८१६ जना संक्रमणमुक्त भइसकेका छन् । हालसम्म पीसीआर विधिबाट ६ लाख ४ हजार ३९६ जनामा संक्रमण पुष्टि भएको छ भने एन्टिजेन विधिबाट १८ हजार ७५५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार आज सम्ममा देशमा सक्रिय संक्रमितको संख्या ७५ हजार २७५ रहेको छ । जसमध्ये ६९ हजार ६८६ जना होम आइसोलेसन, ५ हजार ५८९ जना संस्थागत आइसोलेसन, १ हजार १८९ जना आईसीयूमा र ३६६ जना भेन्टिलेटरमा रहेका छन् ।

पछिल्लो २४ घण्टामा थप ६७ जनाको मृत्यु भएको छ । देशभर ८ हजार ३०५ जनाको मृत्यु भइसकेको छ । नेपालमा मृत्यु हुने दर १ दशमलव६ प्रतिशत रहेको छ ।