एजेन्सी । अफगानिस्तानको राजधानी काबुलको दुई फरक क्षेत्रमा शनिवार अपराह्नमा भएको विस्फोटमा परी पाँच व्यक्तिको मृत्यु भएको गृह मन्त्रालयले जनाएको छ ।
काबुलको दासत इ बार्ची क्षेत्रमा पहिलो विस्फोट भएको थियो । यसको करिब आधा घण्टापछि अलि जिनाह अस्पतालको नजिकै अर्को विस्फोट भएको टोलो समाचार समितिले जनाएको छ ।
यस घटनामा परी अन्य केही व्यक्ति गम्भीर घाइते भएका हुनाले मृतकको संख्या बढ्न सक्ने समेत गृह मन्त्रालयले अनुमान गरेको छ ।
यसै महिनाको शुरुमा काबुलमा भएको यस्तै दुई वटा विस्फोटमा परी १२ जना सर्वसाधारणको मृत्यु भएको थियो ।
प्रतिक्रिया