काठमाडौं । नेपाली कांग्रेसमा वैकलल्पिक नेतृत्वको दाबी गरेका नेताहरुबीच आज पनि छलफल भएको छ ।
कांग्रेस उपभापति विमलेन्द्र निधि, महामन्त्री शशांक कोइराला र पूर्वमहामन्त्री प्रकाशमान सिंहबीच आज पनि छलफल भएको हो ।
१४औं महाधिवेशनमा पार्टी सभापति पदका दावेदार निधि, कोइराला र सिंहबीच तीन जनामध्ये एकजनामा सहमति गर्नेगरी छलफल भएको हो । यसअघि पनि तीनै जना नेताबीच छलफल भएको थियो ।
सभापतिमा वर्तमान सभापति शेरबहादुर देउवाले पुनः उम्मेवदवार बन्ने घोषणा गरेका छन् । तर, आफ्ना निकट सहयोगी निधिले आफु पनि सभापतिमा उठ्ने निर्णय गरेपछि देउवा दबाबमा परेका छन् ।
दोस्रो पुस्ताका तीन नेताहरुबीच कुनै एकजनालाई सभापतिमा उठाउने सहमति भएमा त्यसले कांग्रेसमा हाल कायम रहेका मुख्य गुटलाई समेत प्रभावित पार्नेछन् । किनकी, हालसम्म कोइराला र सिंह रामचन्द्र पौडेल गुटमा रहेका छन् भने निधि संस्थापन गुटमा रहेका छन् । नेतात्रयबीच महाधिवेशनसम्मै छलफल गर्ने सहमति भएको छ ।
आजै वरिष्ठ नेता रामचन्द्र पौडेलले पनि आफु निकट नेताहरुको बैठक राखेका छन् । दिउँसो १ बजे बस्ने बैठकमा महाधिवेशनमा कसरी अघि बढ्ने भन्ने विषयमा छलफल हुने बताइएको छ । कांग्रेसको १४औं महाधिवेशन आगामी भदौ १६ देखि १९ गतेसम्म हुँदैछ।
प्रतिक्रिया