पाकिस्तानका प्रधानमन्त्री इमरान खानले अफगानिस्तानमा लामो समयदेखि चल्दै आएको हिंसात्मक संघर्ष अन्त्यका लागि आफ्नो देशले सैनिक कारवाहीबाहेक अन्य सबथोक गर्ने बताएका छन् ।
प्रधानमन्त्री खानले हालै न्यूयोर्क टाइम्सलाई दिएको एक अन्तर्वातमा पाकिस्तानले तालिवानलाई अमेरिका र अफगान सरकारसँग वार्ताको टेबलमा ल्याउन मेहनत गरेको बताए ।
आगामी दिनमा पाकिस्तानले अफगानिस्तानका जनताद्वारा चुनिएको सरकालाई मात्रै मान्यता दिने पनि स्पष्ट पारे ।
अमेरिका सितको सम्बन्धबारे सोकिएको प्रश्नमा खानले अमेरिकासँग सभ्य सम्बन्ध बनाउन चाहेको स्पष्ट पारे । अफगानिस्तानबाट अमेरिकी सेना फिर्ताभएपछि अमेरिकासँग व्यापारिक सम्बन्ध स्थापित गर्न चाहेको पनि उनले बताए ।
प्रधानमन्त्री खानले छिमेकी भारतसँगको सम्बन्ध पनि सुधार गर्न चाहेको बताए । उनले भारतीय प्रधानमन्त्रीसँग सम्बन्ध सुधार गर्न चाहे पनि सफल नभएको स्वीकार गरे । हिन्दु राष्ट्रवादी आरएसएसको विचारधारा भारतसँगको सम्बन्ध स्थापित गर्नका लागि पर्खाल बनेको उनले जिकिर गरे ।
प्रतिक्रिया