तियानमेन स्क्वायर भोलि बिहान आयोजना हुने सीपीसीको शताब्दी समारोहलाई राष्ट्रपति सीले सम्बोधन गर्ने

चिनियाँ कम्युनिष्ट पार्टीका महासचिव एवं राष्ट्रपति सी चिङफिङले बिहीबार राजधानी बेइजिङस्थित तियानमेन स्वायरमा आयोजना हुने भव्य ऐतिहासिक समारोहलाई सम्बोधन गर्नेभएका छन् ।

चिनिया कम्युनिष्ट पार्टी (सीपीसी)को शताब्दी समारोहको अवसरमा आयोजना हुने भव्य सभालाई महासचिव सीले सम्बोधन गर्ने भएका हुन् ।

सो ऐतिहासिक कार्यक्रम बिहान ८ बजेबाट सुरु हुने बताइएको छ । केन्द्रीय सैन्य आयोगका अध्यक्ष समेत रहेका सी ले बिहान ८ बजेपछि सभालाई सम्बोधन गर्ने चिनियाँ समाचार संस्था सिन्ह्वाले उल्लेख गरेको छ ।

सो कार्यक्रमको प्रत्यक्ष प्रसारण चाइना मिडिया गु्रप एवं www.xinhuanet.com बाट समेत हुनेछ । यसका साथै चीनमा टेलिभिजन एवं रेडियो स्टेशनको साथसाथ विभिन्न समाचार वेवसाइट एवं न्यू मिडिया प्लेटफर्मबाट पनि प्रसारित हुने ग्लोबल टाइम्सले जनाएको छ ।