काठमाडौं । नेकपा एमालेको केन्द्रीय कमिटी बैठकमा एमाले उपाध्यक्ष वामदेव गौतम उपस्थित हुने भएका छन्।
बालुवाटारमा बस्ने केन्द्रीय कमिटी बैठकमा गौतम सहभागी हुने उनको सचिवालयले जनाएको छ । बैठकमा भाग लिन गौतम बालुवाटार पुगिसकेका छन् ।
नवौं महाधिवेशनबाट निर्वाचित पदाधिकारी स्वीकारेर बैठकमा सहभागी हुन पत्र पठाइएकाले गौतम बैठकमा सहभागी हुन लागेका हुन् ।
अध्यक्ष केपी शर्मा ओलीले आजको बैठकलाई एमालेको १३औं केन्द्रीय कमिटी बैठक बताएका छन् । दशौं महाधिवेशन आयोजक कमिटी गठन गरेपछि बोलाइएका दशौं एघारौं र बाह्रौं केन्द्रीय कमिटी बैठकमा माधवकुमार नेपाल पक्ष भने अनुपस्थित रहँदै आएको छ ।
गौतम गत पुष ५ गतेदेखि तत्कालिन नेकपा एवं नेकपा खारेज भैसकेपछि एमालेको विवादमा तटस्थ बस्दै आएका छन् । उनले पार्टी एकताका लागि आफ्नै ढंगले अभियान चलाइरहेका छन् ।
प्रतिक्रिया