काठमाडौं । नेकपा माओवादी केन्द्रले शेरबहादुर देउवा नेतृत्वको सरकारमा पठाउने मन्त्री तोक्ने जिम्मा अध्यक्ष पुष्पकमल दाहाल प्रचण्डलाई दिएको छ ।
पार्टी केन्द्रीय कार्यालय पेरिसडाँडामा माओवादी केन्द्रको आज बसेको स्थायी समिति बैठकले मन्त्री छान्ने जिम्मा अध्यक्ष प्रचण्डलाई दएिको हो ।
बैठकले समावेशी समानुपातिक आधारमा मन्त्री छान्न प्रचण्डलाई अनुमति दिएको छ । कांग्रेससँग छलफल गरेर कति मन्त्री र कुन कुन मन्त्रालय पाउने टुंगो लगाएपछि त्यही आधारमा प्रचण्डले मन्त्री छान्नेछ । बैठकपछि नेता नारायणकाजी श्रेष्ठले भने, ‘पहिला त अध्यक्ष कमरेडले शेरबहादुर देउवा जीसँग कुराकानी गर्नुहुन्छ, त्यो कुराकानीको आधारमा हामीले आवश्यक निर्णय गर्छौं ।’
माओवादीले कांग्रेसँग सरकार संचालनका लागि समेत छलफल गर्नेभएको छ ।
प्रतिक्रिया