बुटवल । लुम्बिनी प्रदेशका प्रदेश प्रमुख अमिक शेरचनको पदबहाली कार्यक्रमलाई अघोषित बहिस्कार गरेको बिषयमा चौतर्फी आलोचना भएपछि प्रदेशका मुख्यमन्त्री शंकर पोखरेल पद बहाली गरेको अर्को दिन प्रदेश प्रमुखलाई भेट्न पुगेका छन् । पदबहाली भएको स्थानबाट १ मटिरमा रहेका मुख्यमन्त्री र प्रदेश सरकारका मन्त्रीहरु कोही पनि प्रदेश प्रमुखको पदबहाली कार्याक्रममा नदेखिएपछि मुख्यमन्त्री पोखरेल सहित प्रदेश सरकारको आलोचना भएको थियो । मुख्यमन्त्री पोखरेल र नवनियुक्त प्रदेश प्रमुख शेरचनबीच आज भेटवार्ता भएको छ ।
शुक्रबार पदभार ग्रहण गरेका शेरचनलाई पोखरेलले पदबहाली गरेको भोलिपल्ट शनिबारबिहान मात्र स्वागतसहित भेटवार्ता गरेका हुन् । भेटका अवसरमा प्रदेशको अवस्था र सरकारले हासिल गरेको सफलताका बिषयमा प्रदेश प्रमुखलाई जानकारी गराईएको मुख्यमन्त्रीका प्रेस सल्लाहकार शेरबहादुर केसीले बताए ।
शनिबार दिउँसै विपक्षी गठबन्धनले पनि प्रदेश प्रमुख शेरचनलाई स्वागत गर्दै ध्यानाकर्षणपत्र बुझाएर पोखरेल नेतृत्वको सरकार अल्पमतमा रहेको जानकारी दिएको छ ।
प्रतिक्रिया