बालुवाटारमा सत्तारुढ गठबन्धनको कार्यदल बैठक

काठमाडौं । सत्तारुढ गठबन्धनको कार्यदल बैठक बसेको छ ।

प्रधानमन्त्री निवास बालुवाटारमा बसिरहेको बैठकमा सरकारको न्यूनतम साझा कार्यक्रमबारे छलफल भएको छ ।

नेपाली कांग्रेसका महामन्त्री पूर्णबहादुर खड्का संयोजक रहेको कार्यदल बैठकले सरकार संचालनका लागि आवश्यक न्यूनतम साझा कार्यक्रमको ड्राफ्ट तयार गर्नेछ । मन्त्रिपरिषद् विस्तार गर्दा गठबन्धन दलहरुले पाउने मन्त्रालयको संख्या र मन्त्रालय बाँडफाँटबारे पनि सहमति खोज्ने प्रयास गर्ने बताइएको छ । यद्यपी, यसको अन्तिम निर्णय भने शीर्ष नेतृत्व बसेर गर्नेछ ।

कार्यदलमा कांग्रेस, माओवादी केन्द्र र जनता समाजवादी पार्टीबाट दुई दुई जना सदस्य रहेका छन् । यसअघि माधव नेपाल पक्षबाट पनि प्रतिनिधित्व हुने गरेकोमा आजको बैठकमा उनीहरु अनुपस्थित भएका छन् । डा. विजय पौडेलले नेपाल पक्षको प्रतिनिधित्व गर्नेगर्थे ।