काठमाडौं । राजनीतिक दल विभाजनसम्बन्धी अध्यादेश जारीभएसँगै बुधबार एक्कै दिन दुई वटा नयाँ पार्टी जन्मिएका छन् ।
नेकपा एमाले औपचारिक रुपमा विभाजित भएर एमाले समाजवादी नामको नयाँ पार्टी बने लगत्तै जनता समाजवादी पार्टी जसपा पनि विभाजित भएको छ ।
अध्यक्ष उपेन्द्र यादव पक्षीय जसपालाई निर्वाचन आयोगले आधिकारिक मान्यता दिएपछि पार्टीबिहीन जस्तै बनेका महन्थ ठाकुर राजेन्द्र महतो पक्षले आज जसपा नेपाल लोकतान्त्रिक नामको नयाँ पार्टी दर्ता गरेका छन् ।
लागि जसपा लोकतान्त्रिकका नेताहरुले निर्वाचन आयोग पुगेर दल दर्ताको लागि निवेदन दर्ता गराएका छन् ।
सरकारले पार्टीको केन्द्रीय कमिटी वा संसदीय दलमध्ये कुनै एकमा २० प्रतिशत सदस्य संख्या पुर्याए नयाँ दल दर्ता गर्न पाउने खुकुलो प्रावधानसहित अध्यादेश ल्याएपछि ठाकुर पक्षलाई राहत मिलेको थियो ।
जसपा लोकतान्त्रिकको अध्यक्षमा महन्थ ठाकुर चयन भएका छन् । पार्टीको कार्यकारिणी समिति २५ सदस्यीय बनाउने प्रस्ताव गरिएको छ ।
यो पार्टीले नयाँ दलको चुनाव चिन्हमा साइकल प्रस्ताव माग गरेको छ ।
प्रतिक्रिया