बुटवल । बुटवल ११ स्थित नेपाल अपाङ्ग आश्रममा बुटवलका दुई व्यक्तिहरुले खाद्यान्न सहयोग गरेका छन् । विश्वमा महामारीका रुपमा फैलिएको कोरोना भाइरस नियन्त्रणका लागि सरकारले तीन सातादेखि गरेको लकडाउनका कारण आश्रममा रहेकाहरुलाई सहयोग गर्ने उदेश्यले राहात स्वरुप खाद्यान्न सहयोग गरिएको हो ।
समाजसेवि दुर्गा थापा, एचआर लुजाका प्रतिनिधि विनोद पोखरेलले दुई बोरा चामल, आलू, तेल, चिनि लगायतका उपभोग्य बस्तुहरु आश्रममा पुगेर हस्तान्तरण गरेका हुन । आश्रमका अध्यक्ष डोलबहादुर रामदामले उक्त खाद्यान्न ग्रहण गरेका थिए । हरेक क्षेत्रमा लकडाउनले प्रभाव पारेको बेला अपाङ आश्रममा थोरै भएपनि राहात स्वरुप खाद्यान्न सहयोग गरेको पोखरेलले बताए ।
कोरोना भाइरस महामारी नियन्त्रणका लागि लकडाउन भएपछि आश्रममा समेत खाद्यान्न संकट थपिदै गएको छ । यसअघि पनि विभिन्न व्यक्तिहरुको सहयोगबाट नै आश्रममा रहेकाहरुको खर्च व्यवस्थापन हुँदै आएकोमा लकडाउनले थप मारमा पारेको अध्यक्ष रामदामले बताए ।
प्रतिक्रिया