लण्डन । कोरोना भाइरसको संक्रमणबाट बेलायतको लण्डनमा अर्का एक भूतपूर्व गोर्खाले ज्यान गुगमाएका छन् ।
लण्डनको हिलिङडन बरोको ‘वेस्ट ड्रेटन’ मा बसोबास गर्ने ८२ वर्षीय हरिमान तामाङको हिलिङडन अस्पतालमा मृत्यु भएको गेसो उपाध्यक्ष धर्म तामाङले जनाएका छन् ।
तामाङ नेपालको धनकुटाको माकलुंगका बासिन्दा थिए । उनी श्रीमती, छोरी कला र ज्वाईं मणि तामाङसंगै लण्डन बस्दै आएका थिए । उनका एक छोरा अष्ट्रेलियामा छन् ।
स्वास्थ्यमा समस्या आएपछि उनलाई पाँच दिनअघि अस्पताल भर्ना गरिएको थियो । अस्पताल भर्ना भएपछि उनलाई कोरोना पोजेटिभ भएको पहिचान गरिएको थियो ।
यसअघि उनलाई कुनै पनि प्रकारको स्वास्थ्य समस्य नभएको आफन्तले बताएका नेपाली लिङ्कले जनाएको छ । बेलायतमा कोरोना भाइरसबाट मृत्यु हुने नेपालीको संख्या झण्डै एक दर्जन पुगेको छ ।
प्रतिक्रिया