काठमाडौं । काठमाडौंको ठमेलमा एक जना जर्मन नागरिकको शव फेला परेको छ ।
तीनमहिनादेखि बिहानी होटलमा बस्दै आएका जर्मन नागरिक डेभिड मिट ज्याकट मृत फेला परेका हुन् ।
होटलको कोठामा गएराति उनी मृत अवस्थामा फेला परेको प्रहरीले जनाएको छ । प्रहरीले मृतकको शव पोष्टमार्टमका लागि त्रिवि शिक्षण अस्पताल महाराजगञ्ज पठाएको छ ।
ज्याकट पर्यटकीय भिसामा नेपाल आएका थिए । उनको नेपाली साथीले फोन गर्दा फोन रिसिभ नभएपछि प्रहरीलाई खबर गरेकी थिइन । त्यसपछि खोजी गर्ने क्रममा उनी मृत अवस्थामा फेला परेको प्रहरीले जनाएको छ । प्रहरीले प्रारम्भिक अनुसन्धानको क्रममा सोधपुछका लागि तीन जनालाई नियन्त्रणमा लिएको छ ।
प्रतिक्रिया