कोरोना कहर : ब्राजिलमा शव थन्क्याउन समस्या

एजेन्सी । ब्राजिलका राष्ट्रपति जायर बोलसोनारोले कोरोनालाई सामान्य रुघाखोकीको रुपमा मात्रै बुझेका थिए, तर अहिले त्यहाँ शव ब्यवस्थापन गर्नै मुश्किल पर्ने अवस्थाको सिर्जना भएको छ ।

कोरोना संक्रमणका कारण दैनिक मर्नेको संख्या २० बाट बढेर सय पुगेको छ । अहिले ब्राजिलमा ३ हजार बढीको मृत्यु भैसकेको छ भने संक्रमितको संख्या ४५ हजार नाघेको छ । शव ब्यवस्थापन गर्न हम्मे हम्मे परेको छ ।

बुल्डोजरको प्रयोग गरि सामुहिक चिहानको ब्यवस्था गरिएको छ भने रेफ्रीजेरेटर जडित ट्रकमा लास माथी लास राखेर सतगतका लागि लैजानु पर्ने अवस्था आएको छ ।