काठमाडौं । छिमेकी मित्रराष्ट्र चीनले नेपाललाई फेरि कोरोना भाइरस विरुद्धको खोप अनुदान दिने घोषणा गरेको छ ।
नेपालका लागि चिनियाँ राजदूत हौउ यान्छीले आज स्वास्थ्य राज्यमन्त्री उमेश श्रेष्ठलाई भेट गरी चीन सरकारले नेपाललाई १० लाख डोज सिनोभ्याक खोप उपलब्ध गराउने निर्णय गरेको जानकारी गराएकी हुन् ।
नेपालमा कोरोना भाइरसको संभावित तेस्रो लहरलाई रोक्नका लागि समेत चीनले अनुदान सहयोगको घोषणा गरेको छ । स्वास्थ्य राज्यमन्त्री उमेश श्रेष्ठले ट्वीट गर्दै चीन सरकारले नेपाललाई ५० लाख चिनियाँ युआन ९ करोड २४ लाख रुपैयाँ) सहयोग गर्न लागेको जानकारी गराएका छन् ।
सिनोभ्याक खोप ल्याउनका लागि नेपाली र चिनियाँ अधिकारीहरुबीच आवश्यक छलफल भैरहेको छ । सिनोभ्याक खोप अहिलेसम्म नेपालमा प्रयोग भएको छैन ।
चीनले नेपाली सेनालाई ३ लाख डोज कोरोना खोप अनुदान दिन लागेको पनि राज्यमन्त्री श्रेष्ठले उल्लेख गरेका छन् ।
यसअघि चीनले नेपाललाई पटकपटक गरी सिनोफार्म कम्पनीको भेरोसेल खोप अनुदान दिएको छ । खोपमा सबैभन्दा धेरै अनुदान दिने मुलुक चीन नै बनेको छ ।
As a part of its consistent support to Nepal, the Govt. of China will provide further medical assistance worth 5 million Renminbi to install preventative measures in our health system in a bid to save lives from 3rd wave of pandemic, additional 1 million SinoVac jabs as grant.1/3 pic.twitter.com/mzcdJdyO5k
— Umesh Shrestha (@PMOStateMin) October 6, 2021
प्रतिक्रिया