काठमाडौं । राष्ट्रपति विद्यादेवी भण्डारीले प्रदेश १, कर्णाली र सुदूरपश्चिम प्रदेशमा नयाँ प्रदेश प्रमुख नियुक्त गरेकी छन् ।
कात्तिक २२ गतेको मन्त्रिपरिषद्को सिफारिसको आधारमा राष्ट्रपति भण्डारीले संविधानको धारा १६३ को उपधारा २ बमोजिम प्रदेश नम्बर-१ मा परशुराम खापुङ, कर्णालीमा तिलक परियार र सुदूरपश्चिम प्रदेशमा देवराज जोशीलाई प्रदेश प्रमुखमा नियुक्त गरेकी हुन् ।
प्रदेश प्रमुखमा सत्तारूढ दलहरूको भागबण्डा भएको छ। प्रदेश-१ मा जनता समाजवादी पार्टीका नेतासमेत रहेका खापुङ प्रदेश प्रमुख भएका हुन् भने कर्णालीको प्रदेश प्रमुखमा सिफारिस भएका नेकपा माओवादी केन्द्रनिकट परियार यसअघि नै प्रदेश २ का प्रदेश प्रमुख भइसकेका छन् । त्यस्तै, सुदूरपश्चिममा नेपाली कांग्रेस नेता जोशी प्रदेश प्रमुख भएका छन् ।
आजै राष्ट्रपति भण्डारीले यसअघि रहेका प्रदेश नम्बर-१ का सोमनाथ अधिकारी, कर्णालीका गोविन्दप्रसाद कलौनी र सुदूपश्चिम प्रदेशका गंगाप्रसाद यादवलाई प्रदेश प्रमुखबाट पदमुक्त गरेकी थिइन् ।
प्रतिक्रिया