२२ बैशाख २०८१, शनिबार | May 4, 2024

उत्तर कोरियाली नेता किम जोङ्ग उन २० दिनपछि सार्वजनिक



काठमाडौं । प्रजातान्त्रिक जनगणतन्त्र कोरिया (उत्तर कोरिया)का सर्वोच्च नेता किम जोङ्ग उन लामो संशयका बीच सार्वजनिक भएका छन् ।

नेता किम २० दिन पछि मे १ दिवसको अवसरमा रासायनिक मल कारखानामा आयोजित कार्यक्रममा सहभागी भएको फोटो उत्तर कोरियाको संचार संस्था केसीएनएले सार्वजनिक गरेको छ ।

सार्वजनिक कार्यक्रममा सहभागीहरुले ताली बजार स्वागत गरेको देखिन्छ । नेता किम आफ्नी बहिनी किम यो जोङ्ग र सरकारका वरिष्ठ अधिकारीहरुसँगै कार्यक्रममा सहभागी थिए ।

नेता किमको स्वास्थ्यलाई लिएर पश्चिमा संचार माध्यमहरुले अनेक अड्कलवाजी गरेका थिए । किमको मृत्यु समेत भैसकेको समाचारहरु सार्वजनिक भएका थिए । किम सार्वजनिक भएसँगै उत्तर कोरियाका बारेमा पश्चिमा देश र संचार माध्यमहरुले लेख्ने स्क्रिप्ट एकपटक फेरि मिथ्या सावित भएको छ ।

अप्रिल १२ पछि किम कतै पनि सार्वजनिक कार्यक्रममा नदेखिएपछि उनी गम्भीर बिरामी भएको, मुटुको अपरेशनपछि मृत्यु भएका जस्ता अड्कलबाजीसहित समाचारहरु सार्वजनिक भएका थिए । जासुसी सूचनाको आधार भन्दै अमेरिकी अधिकारीहरुले त किम कोमामा गैसकेको दाबी गरेका थिए । पश्चिमा संचार माध्यमहरुले किम पछि उत्तरकोरियाको नेतृत्वका बारेमा स्वघोषित विश्लेषण प्रवाह गरिसकेका थिए ।

तर, दक्षिण कोरियाले भने किम जोङ्ग उन गम्भीर रुपमा बिरामी भएको कुरा सत्य नभएको बताउँदै आएको थियो ।

प्रकाशित मिति : २० बैशाख २०७७, शनिबार  ९ : ०५ बजे

पत्रकार सुरक्षित नभई समाचारमा निष्पक्षता कायम हुनसक्दैनः कानुनमन्त्री गिरी

काठमाडौं । कानुन, न्याय तथा संसदीय मामिलामन्त्री पदम गिरीले पत्रकार

धुञ्चे गोसाइँकुण्ड केबुलकार निर्माण गर्नुपर्छ : केपी ओली

रसुवा । पूर्वप्रधानमन्त्री एवम् नेकपा (एमाले) का अध्यक्ष केपी शर्मा

बागमती प्रदेशमा नेवारी र तामाङ भाषालाई सरकारी कामकाजमा प्रयोग गरिने

हेटौडा । बागमती प्रदेश संस्कृति, पर्यटन तथा सहकारीमन्त्री शैलेन्द्रमान बज्राचार्यले

तिक्तता र गुटबन्दीलाई लिएर सधैं हिडिराख्नु राम्रो होइन : डा. शेखर कोइराला

कोहलपुरं । नेपाली कांग्रेसका नेता डा शेखर कोइरालाले राष्ट्र नै

भारतले प्याज निर्यातमा प्रतिबन्ध हटायो

काठमाडौं । भारतले प्याज निर्यातमा लगाइएको प्रतिबन्ध हटाएको छ ।