काठमाडौँ । महानगरीय ट्राफिक प्रहरी महाशाखाले नक्कली बिलबुक बनाई चोरीको मोटरसाइकल चलाउने दुई जनालाई नियन्त्रणमा लिएको छ।
महाशाखाको पीडित सहायता ईकाईबाट सादा पोसाकमा खटिएको टोलीले बौद्धबाट कालो रातो रंङको २२० सी.सी.को प्रदेश ३ -०२-०१४ प ७८३७ नम्बरको पल्सर मोटरसाईकलको वास्तविक नम्वर परिवर्तन गरि नक्कली बिलबुक बनाएर मोटरसाइकल चलाइ रहेको अबस्थामा काभ्रे पाँचखाल- ४ घर भई बालाजु बस्ने ३० वर्षिय दिलिप राई चालक र पछाडी सवार गोरखा पालुङटार – ९ बस्ने २५ वर्षिय नबीन कोईरालालाई मोटरसाइकल सहित नियन्त्रणमा लिएको महाशाखाका प्रमुख प्रहरी वरिष्ठ उपरीक्षक जनक भट्टराईले जानकारी दिएका छन् ।
फेला परेको उक्त मोटरसाईकलको वास्तविक नम्बर प्रदेश ३ -०२-०११ प ४४०४ रहेको खुल्न आएको पनि उनले बताए ।
पक्राउ भएको मोटरसाइकल जडीबुटीबाट हराएको भनी काठमाडौं महानगरपालिका ३२ जडीवुटी बस्ने दुर्गा नारायण श्रेष्ठले हुलिया सहितको निवेदन ट्राफिक महाशाखामा दिएका थिए ।
पक्राउ गरिएको व्यक्तिसहित उक्त मोटरसाइकललाई चोरी मुद्दाका अनुसन्धान कारबाहिका लागी महानगरीय प्रहरी बृत्त,नयाँ बानेश्वरमा पठाइएको ट्राफिक प्रहरीले जनाएको छ ।
प्रतिक्रिया