काठकाडौं । निर्वाचन परिणाममा युवा नेता गुरुराज घिमिरे पराजित भएपछि नेपाली काँग्रेसका नेता शेखर कोइरालाले क्षमा मागेका छन् । प्रदेश १ को अधिवेशनमा संस्थापन इतर समूहबाट उम्मेदवारी दिएका गुरुराज घिमिरे पराजित भएपछि आफुले मतदान नगरेकोप्रति क्षमा मागेका हुन् ।
शनिबार भएको प्रदेश अधिवेशनमा शेखर कोइराला, सुजाता कोइराला, महेश आचार्य र बलबहादुर केसीले मतदान गरेका थिएनन् । उनीहरुले मतदान नगरेकै कारण गुरुराज घिमिरे २ मतले प्रदेश सभापतिमा पराजित भएपछि कोइरालाले क्षमा मागेका हुन् ।
सोमबार टुवीट गर्दै नेता कोइरालाले काँग्रेस १४औं महाधिवेशनमा प्रदेशसम्म केन्द्रीय नेताहरुले मतदान गर्न पाउने–नपाउने विषय शुरुदेखि नै “संशय” रहेका कारण मतदान नगरेको समेत स्पष्टीकरण दिएका छन् । ‘काँग्रेस १४औं महाधिवेशनमा प्रदेशसम्म केन्द्रीय नेताहरुले मतदान गर्न पाउने–नपाउने विषय शुरुदेखि नै “संशय”कानुनी परामर्शबाट मतदान गर्दा भविष्यमा जटिलता आउन सक्ने बुझियो। तसर्थ मतदान नगर्नु उपर्युक्त ठानें। यसक्रममा म बाट भएको कमजोरीप्रति सचेत रहँदै गल्ती भए क्षमाप्रार्थी छु,’ उनले लेखेका छन् ।
कांग्रेस १४औं महाधिवेशनमा प्रदेशसम्म केन्द्रीय नेताहरुले मतदान गर्न पाउने/नपाउने विषय शुरु देखि नै “संशय” थियो।
कानुनी परामर्शबाट मतदान गर्दा भविष्यमा जटिलता आउन सक्ने बुझियो।तसर्थ मतदान नगर्नु उपर्युक्त ठानें।यसक्रममा म बाट भएको कमजोरीप्रति सचेत रहँदै गल्ती भए क्षमाप्रार्थी छु।— Dr Shekhar Koirala (@Shekharnc) December 6, 2021
प्रतिक्रिया