काठमाडौं । नेपाली कांग्रेसको उपसभापतिमा पूर्णबहादुर खड्काले अग्रता बढाएका छन् । खड्काले अरु उम्मेदवारभन्दा दुई सय मतले लिड गरिरहेका छन् । यहीँ अग्रता कायम रहे खड्काको जित सुनिश्चित छ ।
सोमबार सम्पन्न मतदानमा खसेको ४६८१ मतमध्ये बुधबार राति केन्द्रीय कार्यालय सानेपामा जारी मतगणनामा ३५५८ मत गन्दा १६३४ मत प्राप्त गरेका खड्काले अग्रता बढाउँदै लगेका छन् ।
कांग्रेसको दुई उपसभापतिमा खड्कापछि विजय गच्छदार १४४३ मतसहित दोस्रो स्थानमा छन् । गच्छदारभन्दा ६ मतले पछाडि धनराज गुरुङको १४३७ मत छ । गच्छदार र गुरुङबीच कडा टक्कर परेको छ । उपसभापतिको दौडमा चन्द्र भण्डारी भने पछाडि परेका छन् । उनको १२५७ मत छ ।
पाँचौ नम्बरमा सुजाता कोइरालाले ४३८ मत प्राप्त गरेकी छन् । महेश आचार्यले ४१३ र दिव्यश्वरी शाहले ११७ मत प्राप्त गरेका छन् । १९ मत बदर भएको छ ।
अब ११२३ मत गन्न बाँकी छ ।
प्रतिक्रिया