आजको मौसम : सामान्य बदलीसंगै मेघगर्जन र चट्याङसहित वर्षाको सम्भावना

काठमाडौं । अहिले देशभर पश्चिमी न्युन चापीय रेखाको सामान्य प्रभाव, स्थानीय वायु, पूर्वी भु-भाग नजिक बनेको न्युन चापीय क्षेत्र तथा बंगालको खाडीबाट समेत जलवाष्पयुक्त वायु नेपालमा प्रवेश गरिरहेको मौसम पूर्वानुमान महाशाखाले जनाएको छ ।

हाल देशको सुदुरपश्चिमका भू-भागमा सामान्य बदली र बाँकी भु–भागमा मौसम सामान्यतया सफा रहेको महाशाखाले जनाएको छ ।

आज दिउँसो देशको पश्चिमी भू-भागमा सामान्य बदली र बाँकी भू–भागमा आंशिक बदली रहने मौसम पूर्वानुमान महाशाखाले जनाएको छ ।

देशको पश्चिमी भू-भागका केही स्थानहरूमा र मध्य एवं पूर्वी भू–भागका एक, दुई स्थानमा मेघगर्जन र चट्याङसहित वर्षाको सम्भावना रहेको महाशाखाले जानकारी दिएको छ ।

आज राती देशभर सामान्य बदली रहने छ । देशको मध्य र पूर्वी भू-भागका केही स्थानहरूमा र पश्चिमी भू-भागका एक, दुई स्थानमा मेघगर्जन र चट्याङसहित वर्षाको सम्भावना रहेको मौसम पूर्वानुमान महाशाखाले जनाएको छ ।