बुटवल । लुम्बिनी प्रादेशिक अस्पताल बुटवललाई सर्पदंश र कोभिड १९ को उपचारका लागि आबश्यक पर्ने उपकरणसहितका स्वास्थ्य सामग्री हस्तान्तरण गरिएको छ । फेयरमेड फाउण्डेसन नेपालको आर्थिक सहयोगमा ईन्द्रेणी ग्रामिण बिकास केन्द्र रुपन्देहीले मंगलबार २ लाख २५ हजार बराबरको स्वास्थ्य उपकरण सहितका सामग्री अस्पताललाई हस्तान्तरण गरेको हो ।
ईन्द्रेणीका अध्यक्ष बिष्णु गौतम , कार्यकारी निर्देशक प्रदिप शाह , बित्तिय प्रशासन अधिकृत राजु शाह, परियोजना अधिकृत मिरा थापा तथा फेयरमेडका परियोजना संयोजक शशिकुमारलाल कर्ण र साझेदारी सुशासन तथा श्रोत परिचालन बिशेषज्ञ तुल्सीराम खनालले अस्पतालका मेडिकल सुपरिटेण्डेण्ट डाक्टर इन्द्र ढकाललाई स्वास्थ्य सामग्री हस्तान्तरण गरे । स्वास्थ्य सामग्री ग्रहण गर्दै मेडिकल सुपरिटेण्डेण्ट डाक्टर ढकालले सामाजिक संघसंस्थाको सहयोगले अस्पतालको उपचार सेवा प्रभावकारी बनाउन सहयोग पुग्ने बताए ।
लुम्विनी प्रदेशका तराईका जिल्लामा सर्पदंशका घटना बढि हुने र उपचारको लागि प्रादेशिक अस्पतालमा आउने बिरामीको लाई सहजहोस भनेर क्रास कार्ड, भेण्टिलेटर सर्किट तथा सक्सन मेसिन सहितका उपकरण प्रदान गरिएको फेयरमेडका परियोजना संयोजक शशिकुमारलाल कर्णले बताए । रुपन्देहीका १६ बटै पालिकामा इन्द्रेणीले फेयरमेडको सहयोगमा आधारभूत स्वास्थ्य परियोजनाको कार्यन्वयन गरिरहेकोछ ।
प्रतिक्रिया